دەزگای ئاسایشی نیشتمانیی عێراق زیاتر لە 135 تۆمەتباری دەستگیرکرد کە لە شانە شاراوەکانی حزبی بەعسی هەڵوەشاوەی عێراق بوون
دەزگای ئاسایشی نیشتمانیی عێراق زیاتر لە 135 تۆمەتباری دەستگیرکرد کە لە شانە شاراوەکانی حزبی بەعسی هەڵوەشاوەی عێراق بوون
دوێنێ یەکشەممە دەزگای ئاسایشی نیشتمانیی عێراق شانە شاراوەکانی حزبی بەعسی هەڵوەشاوەی لە عێراق دەستگیرکرد
جێگای ئاماژەیە کە هەڵوەشاندنەوەی باندەکانی سەر بە بەعس لە 14 پارێزگای عێراق دەستی پێکرد
هەروەها دەڵێن تیمە هەواڵگرییەکانی عێراق چاودێری چالاکییە ئەلیکترۆنییەکان دەکەن کە ئامانجیان بڵاوکردنەوەی ئایدۆلۆژیای بەعسی و هەوڵدان بۆ تێکدانی ئاسایشی نیشتمانیی عێراقە
وە ئاماژە بەوەش کراوە کە 135 تۆمەتبار دەستگیرکراون ئەو دەستگیرکردنانە بە پێی یاسای قەدەغەکردنی چالاکییەکانی حزبی بەعس لەو وڵاتە ئەنجام دراون
تیمەکانی ئاسایشی نیشتیمانی عێراق دەڵێن توانیومانە پاشماوەی بانگەشەکارانی حزبی قەدەغەکراوی بەعس هەڵوەشێنینەوە، ئەمەش دوای ئەنجامدانی ئۆپەراسیۆنی تایبەت کە بۆ ماوەی سێ مانگ لە 14 پارێزگای وڵاتدا بەردەوام بووە
لەم ئۆپەراسیۆنەدا هێزە ئەمنییەکانی عێراق دوای لێکۆڵینەوەکان بۆیان دەرکەوتووە کە ئەم باندانە پەیوەندییان لەگەڵ وڵاتانی دەرەوە هەیە. ئەم وڵاتانە هەوڵی دووبارە بونیادنانەوەی هەیکەلی ڕووخاوەکەی بەعس و دامەزراندنی گەنجانی عێراقیان لە ژێر ناونیشانی چەواشەکارانە لە سۆشیال میدیادا دەدا
