ئێران لە نێوان چەقۆی لاوازی و چەرخی مانەوە شیکاریەکی مەیدانی و سیاسی لە ئێستادا ڕێژیمی ئێران ناڕووخێت؟بەڵام لاواز دەبێت.
ئێران لە نێوان چەقۆی لاوازی و چەرخی مانەوە شیکاریەکی مەیدانی و سیاسی لە ئێستادا ڕێژیمی ئێران ناڕووخێت؟بەڵام لاواز دەبێت.
نووسینی :- ئاهورا هەورامی
بەپێی ئەو شیکارییە بە پشتبەستن بە داتای مەیدانی و سیاسی ساڵی ٢٠٢٥ و ٢٠٢٦ لە دۆخی ئێستای ئێران و ئاماژە بە قۆناغێکی "لاوازی پێکهاتەیی" کە لە هەمان کاتدا نکۆڵی لە خێرایی و داڕمانی ڕێژیم دەکات
ئێران لە نێوان چەقۆی لاوازی و چەرخی مانەوە: خوێندنەوەیەک بۆ سیناریۆی ٢٠٢٦
کۆماری ئیسلامی ئێران لە ئێستادا یەکێک لە مەترسیدارترین قۆناغەکانی مێژووی هاوچەرخی خۆی بەخۆیەوە دەبینێت.
لەگەڵ بەردەوامی هێرشە دەرەکییەکان و پەرەسەندنی قەیرانە ناوخۆییەکان، وادیارە دیمەنی ئێران لەسەر زەمینەیەکی لەرزۆکە؛ ڕژێمێک کە توانا و ئامرازەکانی کاریگەری زۆر کەم بووەتەوە،
بەڵام لە هەمان کاتدا خاوەنی ئامرازەکانی سەرکوت و هاوپەیمانییە کە وای لێدەکات لە داهاتوویەکی نزیکدا بەرگری لە "داڕمانی خێرا" بکات.
یەکەم: نیشانەی لاوازی. ڕیشەیی
لاوازی ئێران ئیتر تەنیا شیکاری نییە؛ بووەتە واقیعێکی بەرجەستە کە لە ژمارە ئابوورییەکان و ئەنجامەکانی سەر زەویدا ڕەنگ دەداتەوە:
کەمبوونەوەی توانا سەربازی و ئەتۆمییەکان: ڕووبەڕووبوونەوە سەربازییە بەرفراوانەکان، بە تایبەتی “جەنگی دوانزە ڕۆژە” لە حوزەیرانی ٢٠٢٥ و ئۆپەراسیۆنەکانی دواتر لە شوباتی ٢٠٢٦، بووە هۆی لەناوچوونی بەشە گرنگەکانی سیستەمی بەرگری ئاسمانی ئێران و دامەزراوەکانی پیتاندنی یۆرانیۆم. ئەم وەرینیە وایکردووە ئێران زیاتر بەرەوڕووی هێرشی نەیارەکانی ببێتەوە.
بچووکبوونەوەی "چەک"ی ناوچەیی: "بەرەیی بەناو مقاومە" شایەتی دابەزینێکی بەرچاوی بەخۆیەوە بینیوە. لە لاوازبوونی حزبوڵڵا لە لوبنان تا دەگاتە گۆڕانی سیاسی لە عێراق، ئێران دەستی کردووە بە لەدەستدانی پەیوەندییە ستراتیژییەکان کە سەردەمانێک هێڵی یەکەمی بەرگرییان پێکدەهێنا.
داڕمانی ئابووری: بەهای تمەنی ئێرانی بۆ نزمترین ئاست دابەزیوە (تا کۆتایی ساڵی 2025 نزیکەی یەک ملیۆن و 400 هەزار تمەنی ئێرانی بەرامبەر بە دۆلار)، هەروەها ڕێژەی هەڵاوسان بۆ نرخی خۆراک لە 70%ی تێپەڕاندووە. ئەم دۆخە بووەتە هۆی سەرهەڵدانی چینێکی "هەژاری کرێکار" کە چیتر توانای دابینکردنی پێداویستییە سەرەتاییەکانیان نییە، لە ئەنجامدا ناڕەزایەتییەکی بەرفراوان لە چەندین شاردا دروست بووە.
دووەم: و گرنگ بەڕای من بۆ ئێستا حکومەت ناڕووخێت؟ سەرەڕای ئەوەش ئێران شاهیدی گۆڕانکاری ئەرێنییە. بۆ داهاتوو
سەرەڕای ئەم لاوازییە قووڵە، هۆکاری پێکهاتەیی هەن کە ڕێگری لە داڕمانی کتوپڕ و تەواوەتی دەسەڵات لە تاران دەکەن:
یەکدەنگیی میتۆدۆلۆژیای ڕێژیم: ئامێری ئەمنی و بە تایبەتی سپای پاسداران توانای سەرکوتکردنی ناڕەزایەتی ناوخۆیی و پاراستنی سەقامگیری لە پایتەخت و شارە گەورەکاندا هەیە.
مانەوەی ڕژیم: لەلایەکی ترەوە دوکتۆرینی ئاسایشی ڕژێم "مانەوەی ڕژێم" بە پیرۆز دەزانێت،
بە پاساوی بەکارهێنانی ئەوپەڕی هێز. نەبوونی ئەڵتەرناتیڤێکی ڕێکخراو: ئۆپۆزسیۆنێکی ڕاستەقینەی ئێرانی، چ لە ناوخۆ و چ لە دەرەوەی وڵات، کە هەموو نەتەوەکان و کەمایەتییەکانی دیکە بە کوردەوە بگرێتەوە.
سەرکردایەتییەکی یەکگرتوو یان پڕۆژەیەکی بەدیل نییە کە توانای پڕکردنەوەی دەستبەجێ بۆشاییەکەی هەبێت،
ئەمەش وایکردووە زۆرێک لە سیناریۆی "دەوڵەتی شکستخواردوو" یان لە ئاژاوەیەکی بەربڵاو بترسن، وەک لە مۆدێلە ناوچەییەکانی دیکەدا دەبینرێت.
هاوپەیمانییەکانی ڕۆژهەڵات: تاران زیاتر پشت بە چین و ڕووسیا دەبەستێت بۆ کەمکردنەوەی کاریگەرییەکانی گۆشەگیریی نێودەوڵەتی. لە کاتێکدا پەکین لە ڕێگەی ڕێککەوتنە درێژخایەنەکانەوە هێڵی ژیانی ئابووری دابین دەکات، مۆسکۆ هاوکاری سەربازی و تەکنیکی پێشکەش دەکات کە یارمەتی مانەوەی ڕژێم دەدات.
مانۆڕکردن لە ڕێگەی دانوستانەوە: سەرەڕای پەرەسەندنی قسەکردن، ڕژێم بەردەوام دەرگای دانوستانی تاکتیکی (بەتایبەت لەگەڵ ئیدارەی ترەمپ) بە کراوەیی دەهێڵێتەوە وەک ئامرازێک بۆ هەڵمژینی شۆکەکان و کڕینی کات، گرەوکردن لەسەر "سەبرێکی ستراتیژی"
بۆ بەرگەگرتنی قەیرانەکانی ئێستا.
نووسینی :- ئاهورا هەورامی
